Pagani Zonda Revolucion – 800 коњски сили, исклучиво за на тркачката патека! – CARclub.mk | #1 за Автомобилите full screen background image
Search

Pagani Zonda Revolucion – 800 коњски сили, исклучиво за на тркачката патека!

Брилијантниот Horacio Pagani тукушто ја најави последната Zonda – а тоа ќе биде налудничавата Zonda Revolucione со 800 коњски сили!

Благодарение на користењето на јаглеродните влакна, но и централната шасија изработена од карбон и титаниум, Zonda Revolucione тежи само 1070 килограми! Моќта доаѓа од веќе познатиот 6-литарски V12 од AMG, кој во оваа верзија испорачува 800 коњски сили (50 повеќе од Zonda R) и 730 Nm вртежен момент. Благодарение на ова, Zonda Revolucione има однос на моќ и тежина од 748 коњски сили на еден тон!

Според Pagani, Zonda Revolucione е најбрзиот Pagani автомобил досега, но не објавуваат официјални податоци за перформансите. Сепак, се очекува да биде побрз околу Nurburgring од досегашниот шампион – Zonda R – кој го има рекордот од 6 минути и 47.5 секунди.

Како што може да се забележи од фотографиите, Zonda Revolucion има многу измени во аеродинамиката, но и DRS систем за активна аеродинамика на задниот спојлер. За кочењето се грижи системот од Brembo и CCMR дисковите кои влечат потекло од F1.

Ако веќе морате да прашате за цената, сигурно нема да можете да си дозволите ваков автомобил. Таа изнесува 2.2 милиони евра, плус локалните даноци.



Алфа и Омега на CARclub. Играчките остануваат, само стануваат поскапи.