Првиот сопственик од вкупно петте екстремно-ексклузивни R Evolution примероци на Pagani Zonda наскоро ќе ја добие својата нова играчка, која благодарение на дотераниот V12 мотор сега нуди 800 коњски сили!
Луѓето од Pagani најавија дека Zonda R Evolution ќе се произведе во само пет примероци, и дека секој од нив ќе чини 1.76 милиони евра! За разлика од тркачката Zonda R, Evolution моделот е целосно хомологиран, односно легално е да биде возен по јавни патишта. Супер-автомобилот е произведен од карбонски влакна, како што е и очекувано, но благодарение на сиот тој карбон, R Evolution всушност тежи помалку од тркачката Zonda R.
Zonda R пред неколку години постави рекорд на Nürburgring Nordschleife од само 6 минути и 47.5 секунди. Со оглед на тоа дека Zonda R Evolution има помала тежина, не би биле изненадени доколку „легалната“ верзија постави уште подобро време.
