Францускиот производител ја најавува новата дизајнерска насока на брендот со концептот кој ќе го има своето деби на 8ми Април.
Концептот, за кој сеуште не го знаеме ни името, ја најавува соработката со Ross Lovegrove – индустриски дизајнер кој е познат по своите органски дизајни. Според луѓето од Renault, концептот го најавува „истражувањето на нови дизајн јазици“ кои би се користеле во блиска иднина. Со користење на ваквиот дизајн, намерата на Ross Lovegrove и неговото студио е да ги искористи природните дизајни и да ги пренесе во нов дизајнерски јазик за Renault.
Наскоро ќе знаеме повеќе, а во меѓувреме ни останува само да пробаме да ги „дешифрираме“ фотографиите кои веќе ги имаме. На насловната фотографија најверојатно го гледаме задниот дел на возилото, а на другите се гледаат светла за магла, како и тркалата на автомобилот. Дали ова е навестување за новото Twingo?