Кога Џошуа Смит бил на автомобилскиот саем во Чикаго и не му било дозволено да седне во Audi RS5, тој го контактирал маркетинг одделот на Audi за Америка. Дали можете да погодите што се случило?
Како горд сопственик на Audi S5, A6 и A3, господинот Смит сакал да помине малку време во новиот Audi RS5. Бидејќи тоа не му успеало на саемот за автомобили во Чикаго, тој решил да напише писмо до Johan de Nysschen и да се пожали за неговото непријатно искуство.
Тој очекувал е да добие писмо со извинување и објаснување за причината поради која тој не бил во можност да го види автомобилот. Но не очекувал Audi of America да му го донесе автомобилот до неговиот дом за приватно разгледување, заедно со Audi S6, S7, S8 и Audi A8 3.0 T! Според Johan de Nysschen, на Џошуа Смит не му било дозволено да влезе во автомобилот бидејќи е единствен примерок од RS5 во Америка и дека биле загрижени дека посетителите на саемот би можеле да го оштетат.
