Honda објави интересен аеро бодикит за новиот Civic – сега тој е поагресивен и подинамичен!
Ние веќе имавме можност да се дружиме со новиот Civic и неговиот типично јапонски карактер и имаме мошне позитивно мислење за популарниот Јапонец од компакт-класата.
Сега, Honda одлучи дека е време за мали промени – за оние кои сакаат Civic да изгледа поспортски, подинамично и помоќно.
Аеро пакетот содржи нов преден браник со елемнти од јаглеродни влакна како и заден дифузер кој е во истиот стил. Овие промени го прават Civic да изгледа многу поспортски, како што впрочем и му доликува. Понатаму, тука се и новите 17/18-инчни “Argon” алуминиумски фелни во две бои.
Сеуште немаме информација колку ќе чини овој аеро пакет за Honda Civic, но нам ни изгледа навистина привлечно.