full screen background image
Search

Премиера: Третата генерација на Skoda Octavia

Третата генерација на Octavia е првиот модел на Skoda кој ја користи новата MQB платформа на групацијата VW, над која се поставени Golf 7 и новите генерации на Audi A3 и Seat Leon.

Споредена со моделот кој го заменува, новата Octavia е за 90mm подолга, 45mm поширока и има за 108mm подолго меѓуоскино растојание, од што најмногу придобивки ќе има просторот во ентериерот. Според ова, моделот е долг 4,659mm, широк 1,814mm, со меѓуоскино растојание од 2,686mm и најголем багажен простор во класата со волумен од импресивни 590 литри.

Надворешниот дизајн на автомобилот е еволутивен и конзервативен, сличен со оној на претходниот модел пред да го има својот фејслифт. Дизајнот на ентериерот е типичен за моделите од VW групацијата, со најновите мултимедијални системи и останати технолошки додатоци, вклучувајќи ја можноста за препознавање на сообраќајни знаци, интелигентен асистент за светла кој автоматски менува во долги светла и ги враќа на средни, панорански сончев кров и селекција на мод на возење.

Новата Octavia ќе пристигне на Европскиот пазар следната пролет со избор од осум турбополнети бензински и дизел агрегати. Тука се вклучени 1.4-литарски TSI со 122 кс, 1.8-литарски TSI со 180 кс и 1.6-литарски TDI, кој во Greenline верзијата испорачува 110 кс со просечна потрошувачка од 3.4 литри на 100 километри.

Ќе може да се одбере рачен или DSG менувач, а во понуда е и погон на сите тркала. Најсилната RS верзија со истиот 2.0-литарски турбо агрегат како претстојниот Golf GTI ќе биде претставен при крајот на следната година.

Поврзано:   Електричниот Škoda Enyaq iV ќе дебитира на 1ви Септември!

Новата Octavia ќе биде јавно претставена на автомобилскиот саем во Женева наредната година.



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.