Големата E-класа на Mercedes-Benz го доби своето освежување. Најприметлив е новиот преден дел, додека кај задниот дел нема посериозни промени.
Германците решија да го заменат остриот изглед на E-Class со позаоблени и помеки линии. Големите предни светла сега имаат интегрирани дневни светла, маската на ладилникот е поголема и со голем хромиран прстен, како и редизајнирани браници.
Наскоро очекуваме повеќе информации од Mercedes-Benz околу тоа колку и дали ќе има механички промени и нови мотори. Во меѓувреме, погледнете ги фотографиите од освежената Е-Класа и нејзината караванска изведба.
