Citroen го објави својот нов спортист, наменет за нас – „обичните купувачи“. Се работи за DS3 RRC (Regional Rally Car) кој од оваа недела ќе биде достапен за јавноста.
Инспириран од WRC верзијата на DS3, RRC верзијата ќе може да настапува во WRC-2, MERC и ERC натпреварувањата.
RRC верзијата на DS3 нуди појака конструкција на каросеријата со нов заштитен кафез и McPhearson суспензија прилагодлива на три нивоа. Во зависност од подлогата на која DS3 RRC се движи, нуди 18 или 17 инчни бандажи.
Под поклопецот се наоѓа веќе добро познатиот 1,6 литарски турбо бензинец со директно вбризгување кој развива 275 КС и 350 Nm вртежен момент. Како што доликува, овој тркач има и поголеми, посилни сопирачки.
