Supercharged GT е базиран врз веќе моќниот Mercedes Benz SLS AMG, кој благодарение на компресорот сега може да се пофали со дури 700 коњски сили!
Германската тјунерска компанија Kicherer ни го претстави Supercharged GT. Тој под поклопецот крие 6.3 литарски V8 мотор кој благодарение на големиот компресор сега испорачува цели 700 коњски сили и 850 Nm вртежен момент. Овој монструозен мотор му овозможува на тјунираниот Mercedes да забрза до 100 километри на час за само 3.4 секунди и да постигне максимална брзина повисока од 300 километри на час!
Покрај навиениот мотор, Supercharged GT може да се пофали со суптилно изменета надворешност која потсетува на 300 SL Panamericana од далечната 1952 година, големи 20, односно 21-инчни тркала обвиени во Michelin Pilot Sport пневматици, подготвени за максимални перформанси. Внатрешноста е преработена со детали од јаглеродни влакна, а автомобилот е офарбан во специфична црна боја.
Цена? Ако морате да прашате, сигурно не можете да си го дозволите.
