Perdigon е продолжение на дизајнерскиот правец кој Lamborghini го воведе со Reventon Coupe и Roadster – дизајнот е со остри линии и голема доза на агресивност.
Lamborghini Perdigon е визија за дизајн на идните модели на Lambroghini развиена од страна на студентите. Поточно, овој модел е развиен од Ondrej Jirec – студент на колеџ во Калифорнија.
Името на оваа студија има интересна историја – Perdigon е всушност многу популарен бик од 1894 година, а ова не е прв пат некој модел на Lamborghini да го добие името по познат бик од Тореадорската арена. Главата на овој бик сеуште се чува во музеј во Мадрид.
Но Perdigon треба да го оправда своето име – иако на прв поглед личи на замена на популарнотот Gallardо, всушност треба да биде супер-автомобил кој ќе застане рамо до рамо со Bugatti Veyron.
Дизајнот дефинитивно е инспириран воените авиони. Тоа може да го забележиме по силните остри линии и отворот за воздух кој е сместен веднаш под предното ветробранско стакло. Погледнете ги сликите – иако се работи за концепт, сепак лесно можеме да го замислиме Perdigon како автомобил во сериско производство.
