Maserati GranCabrio MC ја доживеа својата светска премиера на автомобилскиот саем во Париз.
Базиран на најсилниот GranTurismo MC Stradale, тој е придвижуван од истиот 4.7-литарски V8 агрегат, кој развива 454 кс и 520 Nm вртежен момент, или 10 кс и 20 Nm повеќе од Grancabrio. Бидејќи MC Stradale е за 110 кг полесен од стандардната изведба, се очекува и Grancabrio MC да биде за исто толку полесен од обичниот кабриолет.
Поради неговата намена за крстарење, Grancabrio MC ќе користи шест-степен ZF автоматски менувач наместо рачниот од MC Stradale, и исто така ќе располага со четири седишта наместо две.
Визуелните измени се состојат од редизајниран предени заден браник, нови отвори за довод на воздух, голем заден дифузер со две издувни цевки, нови алуминиумски тркала и заден спојлер на багажникот за подобрена аеродинамика при високи брзини.
