full screen background image
Search

Audi Crosslane Coupe – Концепт со многу технологија!

Audi тукушто го прикажа новиот Crosslane Coupe концепт – мал урбан теренец полн со напредна технологија и придвижуван од импресивен хибриден погон!

Crosslane Coupe е најновиот концепт на Германскиот производител, но она што е навистина важно е технологијата и погонот кои се кријат зад овој мал автомобил. Придвижуван од иновативен хибриден погон кој е составен од 1.5-литарски, 3-цилиндерски TFSI агрегат и два електромотори, малиот Crosslane Coupe Concept ветува импресивни перформанси, но и изненадувачки ниска потрошувачка.

Автомобилот е тежок 1390 килограми, бројка која на прв поглед е малку висока, но ако земеме во предвид дека тежината вклучува и голема литиум-јонска батерија, тогаш и не е толку лоша. Хибридниот погон испорачува вкупно 177 коњски сили и му дозволува на малиот Crosslane Coupe да забрза до 100 километри на час за 8.6 секунди во комбиниран режим на работа, односно 9.8 секунди доколку работи само на струја. Максималната брзина е 182 километри на час, но најважната броја е онаа за потрошувачката – Audi Crosslane Coupe троши само 1.1 литар гориво на 100 изминати километри, и испушта само 26 грама CO2 на изминат километар!

Поставеноста на хибридниот погон е интересна. Класичниот мотор со внатрешно согорување нуди 130 коњски сили и 200 Nm вртежен момент. Едниот електромотор се користи воглавно како стартер и алтернатор и нуди 68 коњски сили и 210 Nm вртежен момент. Вториот мотор се користи за електрично придвижување на тркалата и нуди 116 коњски сили и 250 Nm вртежен момент.

Исклучиво на електричен погон можно е да се вози со брзини до 130 километри на час и би требало да може да се поминат околу 86 километри.

Поврзано:   ТЕСТ: Audi Q3 35 TDI Advanced S-Tronic - Формулата која победува, не се менува

Автомобилот е изработен од лесни и напредни композитни материјали, и всушност нуди и кабриолет варијанта со отворен кров. Во концептот има место само за двајца, но сигурни сме дека ако некоја верзија отиде во сериско производство, во автомобилот ќе има место за четворица.



Алфа и Омега на CARclub. Играчките остануваат, само стануваат поскапи.