Bentley ни прикажува дел од иднината со скиците за Bentley Mulsanne Convertible Concept, кој претставува замена за Bentley Azure.
Bentley Mulsanne Convertible Concept, замислен како водечки модел од гамата на Mulsanne, располага со луксуз, моќ, елеганција и софистицираност со доза на стилот од 50-тите. Дизајнот на кабината е инспириран од моторните чамци со високи перформанси, а моделот е класичен четворо-сед со платнен покрив на склопување. Дизајнот го задржува предниот од Bentley Mulsanne, но добива атрактивен сет од проширени задни крила. На страничниот профил се приметуваат линии преземени од историскиот модел Bentley S1 Continental Drophead Coupe од 1965.
Доколку Bentley Mulsanne Convertible Concept излезе во продажба, се очекува да има исти спецификации како постоечкиот Mulsanne. Во моментов, Mulsanne располага со 6.75-литарски твин-турбо V8 кој произведува 505 кс и 1,202 Nm вртежен момент, усогласен со осум-степен ZF менувач. Неодамна, се проширија гласини според кои историскиот V8 агрегат ќе биде заменет со поефикасни дизелски и plug-in хибридни погонски единици.
