Организаторите на настанот Wilton House Classic and Supercars 2012 го открија нивниот уникатен BugARTi Veyron во Трговскиот Центар Stratford во Лондон!
BugARTi Veyron е украсен со шари дизајнирани од Ian Cook, англиски уметник кој користи колички на далечински управувач за да креира акрилни уметнички дела.
Овој проект е создаден благодарение на организаторите на Wilton House, компанијата на Ian Cook – PopBangColour и сопственикот на овој автомобил, Lord Pembroke. Боите потсеќаат на класичните Gulf шари, додека на поклопецот на моторот може да се забележи големо BugARTi лого заедно со слика од тркачки Aston Martin од десната страна.
Автомобилот ќе биде изложен на Wilton House следниот викенд заедно со огромен број на изложени супер автомобили. Се очекуваат над 200 автомобили на тема “Најдобро од Британија”. Ова значи дека Aston Martin ќе го прикаже V12 Vantage Zagato, а McLaren ќе го прикаже MP4-12C.