Уште едно освежување за Mazda MX-5 – CARclub.mk | #1 за Автомобилите full screen background image
Search

Уште едно освежување за Mazda MX-5

Mazda го објави второто подмладување за роудстерот MX-5 и започна со негова продажба во Јапонија.

Најверојатно е дека повеќето од измените на моделот за Јапонскиот пазар ќе бидат применети и на интернационалната верзија при крајот на оваа година.

Второто освежување на третата генерација на MX-5 од неговото дебитирање во 2005, носи поагресивен преден дел со поголеми отвори за воздух, дискретен преден лип спојлер плус црни предни светлосни групи за верзијата со мек покрив и хромирани за верзијата со тврд покрив.

Додатно, подмладениот роудстер добива и систем за заштита на пешаци во форма на активна хауба, кој во случај на незгода го подига задниот дел на хаубата со цел да ја апсорбира енерјата на ударот и да ја намали повредите на главата.

Исто така ново кај овој модел е бојата Dolphin Gray Mica која ја заменува Metropolitan Gray Mica и ново дизајнираните 17-инчни бандажи за MX-5 RHT.

Во внатрешноста, Јапонскиот производител на автомобили претстави како нова опција црна боја за моделите опремени со кожни седишта, додека декорациониот панел и воланот се во сјајна темно сива боја.

Механичките надоградби , направени за да го подобрат задоволството при возење, вклучуваат поосетлив одзив на гаста и подобрени сопирачки.

Надоградената MX-5 во Јапонија започнува со цена од 23,300 евра, додека следната генерација која ќе биде развиена во соработка со Alfa Romeo се очекува да пристигне во 2015.



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.