Иако официјалната презентација за новиот Alpine Concept на Францускиот производител Renault е најавена за петок, ние први ви ги пренесуваме официјалните фотографии од овој нов автомобил!
Покрај шпекулациите околу новиот концептен автомобил на Renault, Французите сепак излегоа со официјална изјава дека овој петок тие на светот ќе му го покажат Alpine концептот, кој е своевидна прослава на 50-годишнината од појавувањето на легендарната Renault Alpine A110 “Berlinette”. Според најавите, официјалното име на концептот ќе биде А110-50, и ќе биде придвижуван од мотор со над 400 коњски сили!
