R1 е третиот модел на Француската тјунерска компанија Delavilla и нуди перформанси кои Cayman отсекогаш ги заслужувал!
Delavilla R1 е достапен во три изведби, со 340, 385 и 420 коњски сили. Последната е наменета исклучиво за на тркачките патеки, и не е препорачана за нормални улици. Но, мораме да го коментираме и визуелниот впечаток кој R1 го остава, а според нас тој е едноставно – импресивен! Проширената каросерија (12 cm напред, 18 позади), големите тркала и агресивниот изглед сосема му одговараат на еден ваков модел.
За жал, нема официјални бројки за перформансите на Delavilla R1, но ако земеме во предвид дека најмоќната фабричка верзија на Cayman – моделот R кој има „само“ 330 коњски сили забрзува до стотка за 4.9 секунди, лесно е да се претпостави дека тие се импресивни!
