По неколку години фокусирање на поголеми SUV модели и седани, компанијата конечно се враќа на своите корени.
Концептот #2 ја продолжува приказната на легендарниот ForTwo, оживувајќи го препознатливиот компактен изглед кој го направи брендот славен уште во 1999 година.
Новиот Smart #2 успешно го реплицира духот на оригиналниот модел со две врати, но сега во целосно електрично пакување. Иако низ годините ForTwo можеше да се добие прво со бензински и дизел мотори, а потоа и со електричен погон, четвртата генерација ќе биде исклучиво на струја.
Автомобилот е базиран на целосно нова платформа наречена Electric Compact Architecture (ECA), која е специјално развиена за електрични возила. Иако сè уште нема официјални бројки според WLTP, планираниот досег би требало да изнесува до 300 километри.
Покрај поголемиот досег, новиот модел ќе нуди и значително побрзо полнење. Благодарение на новата технологија на батерии, тој ќе може да се наполни од 10% до 80% за помалку од 20 минути, а дополнително ќе ја поддржува и функцијата за напојување на домашни електрични уреди – V2L (Vehicle-to-Load).
Сериската верзија на овој модел е планирано да дебитира во октомври годинава на Саемот за Автомобили во Париз.
