Целосно електричниот компактен хечбек комбинира смел дизајн, врвна технологија и пространа внатрешност.
Со Ioniq 3, Hyundai воведува нова типологија наречена „Aero Hatch“ која се карактеризира со аеродинамичка ефикасност и голема внатрешност.
IONIQ 3 е изграден на платформата Electric-Global Modular Platform (E-GMP) и користи 400-волтна архитектура токму затоа нуди врвна ефикасност на електричниот погон и секојдневно-употребливи перформанси.
Достапни се две батерии: 42.2 kWh (со WLTP досег до 344 км) и 61 kWh (WLTP досег до 496 км). И двете батерии користат технологија на брзо полнење, за кое се потребни околу 30 минути за полнење од 10% до 80%.
Технологијата е фокусирана на едноставноста. Се користи софтверот Pleos Connect на Android Automotive OS (AAOS) кој се прикажува на екрани од 12.9 или 14.6 инчи, а достапни се и понапредни технологии – од дигитален клуч Hyundai Digital Key 2, преку Plug & Charge па сè до V2L функционалност за полнење на уреди за домашна употреба.
Моторот доаѓа во две верзии, со 135 или 147 коњски сили, 250 Nm вртежен момент и развива максимална брзина до 170 км/ч.
IONIQ 3 е развиен во Европа а ќе се произведува во фабриката на Hyundai во Измит, Турција.
