Регулаторната Комисија за Енергетика вчера ги објави новите цени на горивата, кои од денес се веќе важечки на бензинсите станици.
Во согласност со методологијата која се користи за пресметка на цените на горивата, малопродажните цени се зголемуваат во просек за 5.88%.
Цените на бензините се зголемуваат по 3 денари, па еден литар ЕУРОСУПЕР-95 од денес чини 90.00 денари, додека еден литар ЕУРОСУПЕР-98 чини 92.00 денари.
Позначително е зголемувањето на цената на дизелот, која се зголемува за цели 6.00 денари. Од денес еден литар ЕУРОДИЗЕЛ чини 94.00 денари.
Цените на горивата се зголемуваат веќе 20-тина дена. На 30-ти Јуни литар дизел чинеше 80.00 денари, а денес чини 94.00 денари. Во истиот период 95-октанскиот бензин поскапе од 84.50 на 90.00 денари.
