Регулаторната Комисија за Енергетика објави дека од вечерва на полноќ цените на горивата се зголемуваат во просек за 14.27%!
Во согласност со методологијата која се користи за пресметување на цените, од вечерва на полноќ значително се зголемуваат малопродажните цени на горивата.
Цените на ЕУРОСУПЕР-95 и ЕУРОСУПЕР-98 се зголемуваат по 5.00 денари, па еден литар 95-октански бензин ќе чини 79.50 денари, додека еден литар „98-ца“ ќе чини 81.50 денари.
Енормно е зголемувањето на цената на дизелот. Од вечерва на полноќ малопродажната цена на ЕУРОДИЗЕЛ горивото се зголемува за 14.50 денари и еден литар дизел гориво ќе чини 85.50 денари.
