Во салонот на Ducati во Скопје пристигна супер-ексклузивен примерок – Panigale V4 Lamborghini е инспириран од Revuelto и програмата Ad Personam на разјарениот бик.
Новиот Ducati Panigale V4 Lamborghini е произведен во ограничена серија од само 630 примероци (плус уште 63, уште поексклузивни примероци наменети за Speciale Clienti) – и еден од нив пристигна и во Македонија.
Инспирацијата ја влече од новиот Lamborghini Revuelto и Ad Personam програмата на разјарениот бик, а е базиран на Panigale V4 S.
Panigale V4 Lamborghini добива многу, многу карбон, но и специјален дизајн на екстериерот во Verde Citrea боите на Lamborghini. Добива и механички надградби, издувен систем од Akprapovic, но и доработен Desmosedici Stradale мотор кој испорачува 218.5 коњски сили.
А сето тоа резултира со вистинско уметничко дело, кое изгледа подеднакво спектакуларно и на тркачката патека, но и во луксузен салон. Да не должиме, погледнете ги фотографиите.
