Во салонот на Land Rover во Скопје пристигна нешто невообичаено (и големо) – Defender Trophy Edition!
Од Land Rover гордо кажуваат дека Defender Trophy Edition е инспириран од предизвиците во минатото. И има зошто!
Познавачите веднаш ќе ја направат врската меѓу Defender Trophy Edition и легендарната Camel Trophy серија на теренски предизвици и трки, во кои учествуваа возилата на Land Rover, сите во специфичната Sandglow жолта боја. И токму од таму влече инспирација Defender Trophy Edition во уникатната Deep Sandglow Yellow жолта боја.
Defender Trophy Edition добива кровни носачи со корпа, странични кутии, дополнителна цевка за воздух и 20-инчни тркала обвиени во теренски пневматици. Базиран е на Defender 110 со пет врати, а може да се добие со неколку различни погонски опции. Пристигнатиот примерок е со 3-литарски турбодизел со 300 коњски сили.
Defender Trophy Edition е веќе изложен во салонот на Automobili Group во Скопје.
