666 коњски сили? Да не се лажеме, точно знаеле што прават. 😈
Bentley го претстави новиот Continental GT Supersports – и трансформацијата е радикална. Базиран е врз истиот погон кој го движи Continental GT, но хибридните компоненти се целосно отстранети а 4-литарскиот твин-турбо V8 е тјуниран да испорача 666 (хе хе) коњски сили и 800 Nm вртежен момент, кои ги испорачува исклучиво кон задните тркала.
Да, Continental GT Supersports можеби има околу 115 коњски сили и 200 Nm помалку од плаг-ин хибридниот Conti GT, но затоа е и околу 500 килограми полесен (и воедно е и најлесниот Bentley во изминативе 85 години) а фокусот е цврсто кон возачот.
Добро, и резултатот на сето тоа е? Па, 100 километри на час пристигнуваат за 3.7 секунди, додека максималната брзина е 192 километри на час. Доволно?
Но повторно, фокусот е кон динамиката и возењето. Аеродинамиката е темелно преработена, новите 22-инчни ковани тркала се супер-лесни, а зад нив се кријат најголемите карбон-керамички сопирачки во светот со дијаметар од 440 милиметри на предната оска. Издувниот систем е од Akrapovic, подвозјето е зацврстено и доработено, а купувачите можат да изберат меѓу Pirelli P-Zero или Trofeo RS пневматици.
Агресивниот бодикит е директен резултат на бркањето подобри аеро-перформанси, а кабината е преработена со фокус кон полесни материјали и намалување на тежината.
И на крај, резултат од сето ова? Можеби најинтересниот Bentley Continental во историјата.
