Целосно-новиот Citroën C3 Aircross е веќе изложен во салонот на францускиот бренд во Скопје.
Новиот Citroën C3 Aircross пристигна! Ние веќе имавме можност да се запознаеме со новиот C3 Aircross пред неколку месеци, на неговата интернационална презентација во Шпанија. Тогаш имавме можност да го возиме францускиот кросовер во целосно-електрична и во хибридна изведба, а во Македонија е пристигната и верзијата со конвенционален, нехибриден турбо-бензински мотор.
Да, новиот C3 Aircross ги дели гените со новиот Citroën C3 (повеќе за C3 можете да дознаете тука), но C3 Aircross е поголем во сите насоки и може да се добие и во конфигурација со седум седишта.
Сепак, суштинската работа која им е заедничка е посветеноста кон комфорот која е карактеристична за Citroën. А тоа значи дека и C3 Aircross ги добива едноставните но ефективни прогресивни хидрауилични перничиња и супер-комфорните Advanced Comfort седишта.
На нашиот пазар новиот Citroën C3 Aircross може да се добие во турбо-бензинска и хибридна варијанта. Бензинецот е со 100 коњски сили и мануелен менувач и чини 18.490 Евра за изведбата You, додека Plus чини 19.990 Евра. Хибридната верзија е со автоматски менувач и 145 коњски сили и чини 23.990 Евра за Plus, односно 25.690 Евра за Max изведба.
За повеќе информации, посетете ја официјалната веб-страница за Citroën C3 Aircross, или пак посетете го салонот на Citroën во Скопје.
