Францускиот електричнен хечбек добива спортска Alpine изведба која ја истакнува неговата поатлетската страна.
Во нивото на опременост Esprit Alpine, Megane доаѓа со ексклузивна сива мат „shadow grey“ боја, 20-инчни „ice black“ затемнети алуминиумски тркала и сјајно црни облоги околу прозорците.
Внатре, клиентите ќе добијат сет спортски предни седишта и безбедносни појаси со карактеристични сини контрастни шевови. Црно-сината шема на бои продолжува на потпирачите за раце, централната конзола и контролната табла.
Во внатрешноста, новост е и 12-инчниот екран на допир кој е поврзан со 12,3-инчниот дигитален инфо-дисплеј. Софтверот кој ги напојува овој систем е OpenR Link и истиот доаѓа со Google Maps.
Дополнителна новост кај моделот е опцијата за возење со една педала во системот за регенеративно сопирање. Дизајниран е да понуди понепречено возење низ градот и да помогне да се прошири возечкиот досег на автомобилот кога е во градски сообраќај. Исто така, Megane сега ќе доаѓа стандардно со вграден двонасочен полнач од 11 kW.
