Концептот RAV-X е инспириран од возилата на Dakar Rally и истовремено го најавува дизајнот на следната генерација на популарниот кросовер.
Концептот е создаден од тимот за развој на делови и додатоци SPAD на Toyota, и го канализира духот на возилата на Dakar Rally со значајни инженерски надградби и оф-роуд способности.
Возилото е базирано на последниот RAV4 PHEV и ја задржува моќноста на хибридниот систем со 302 коњски сили. SPAD инженерите го опремија RAV-X со робусна суспензија, зголемувајќи ја висината на возилото за 5, односно ширината за 16 сантиметри.
Концептот користи 17-инчни алуминиумски тркала, високи заштитни плочи, браник инспириран од Dakar релито и висок издув. Аеродинамичните елементи ги вклучуваат задниот спојлер и стратешки поставените вентили за подобрување на протокот на воздух.
Од Toyota велат дека RAV-X е повеќе од само концепт, па можеби со тоа јапонскиот производител наговестува дека следниот Rav4 ќе има слично ниво на опременост.
