Градскиот електричен автомобил на Cupra нема да се вика UrbanRebel кога ќе пристигне на пазарот во 2025. Ќе се вика Raval, по населбата во срцето на Барселона.
„Raval е еден однајизненадувачките делови на Барселона и горди сме дека градскиот електричен автомобил ќе го дели името и духот токму со оваа населба“ – објасни главниот извршен директор на Seat и Cupra, Wayne Griffiths. Сега за сега, Cupra уште не го открива финалниот дизајн на Raval, но потврдија дека официјално ќе пристигне на пазарот во 2025.
Истовремено, Wayne Grifiths изјави дека „Cupra Raval не е само уште еден автомобил. Тој е покана кон нова генерација која очекува нешто подобро. А тоа е урбан, бунтовен и 100% електричен автомобил со засебен карактер и директно поврзан со Gen Z. Нешто навистина поемотивно“.
Веќе знаеме дека Raval ќе ги дели гените со електричниот Volkswagen ID2.all и се очекува слично како и моделот на Volkswagen да чини околу 25.000 Евра. Можеме да очекуваме верзија со повеќе од 220 коњски сили кои ќе ги испорачува кон предните тркала. Cupra веќе потврди дека Raval ќе може да помине 440 километри со полни батерии.
