Иако Digital Key Plus функционалноста веќе беше достапна за сопствениците на Apple iPhone уреди, BMW објави дека сопствениците на Android телефони ќе можат да ја користат Digital Key Plus апликацијата за да го трансформираат паметниот телефон во целосно-интегриран клуч.
Што всушност значи целосно-интегриран клуч? Сè што може да се направи преку клучот, ќе може и преку телефон – отклучување и заклучување на автомобилот, стартување на моторот, итн. Од BMW објаснуваат дека системот користи UWB (Ultra-Wideband, Ултра-Широкопојасен опсег) за врвна сигурност. Системот е доработен заедно со Google и други партнери и дека ризикот за пресретнување или блокирање на сигналот е „вирутелно елиминиран“.
Всушност, Digital Key системот на BMW постои веќе неколку години, но сега со надградување на Digital Key Plus се оди чекор понатаму кон целосна автоматизација на функционалноста. Досега за да го стартуваат автомобилот, корисниците мораа да го стават телефонот на подлогата за безжично полнење, но со Digital Key Plus системот телефонот може да остане во ваѓиот џеб, а автомобилот самиот ќе го препознае. Секако, ова значи дека автомобилот самиот ќе се отклучи кога ќе му се приближите, ќе го вклучи осветлувањето, итн – исто како да го имате вистинскиот клуч во вашиот џеб.
Сега за сега системот нема да биде достапен за сите Android уреди. Според BMW, на самиот старт BMW Digital Key Plus ќе биде достапен за Samsung Galaxy S23+ и Ultra моделите, Google Pixel 7 Pro и некои други нијанса постари Samsung и Google уреди кои веќе работат на Android 13.1 или понова верзија на оперативниот систем. Дополнително, Digital Key Plus ќе работи на возила произведени по Ноември минатата година, но од BMW најавуваат дека автоматска надградба и активација на оваа функционалност ќе добијат и постари модели – но сега за сега не кажуваат кои.
