Peugeot i-Cockpit го прославува својот 10-ти роденден! – CARclub.mk | #1 за Автомобилите full screen background image
Search

Peugeot i-Cockpit го прославува својот 10-ти роденден!

Пред повеќе од 10 години, со првата генерација на 208, францускиот бренд се осмели да направи револуција во еден од елементите што еволуирале најмалку во историјата на автомобилизмот – позицијата на возење.

Оттогаш, речиси 10 милиони единици се произведени и i-Cockpit е проширен низ целата понуда на Peugeot и ја докажа својата извонредност во подобрувањето на емоциите, безбедноста и удобноста на возачите и патниците – што сега е карактеристична одлика на возилата на францускиот производител.

Пристапот i-Cockpit® го карактеризириаат неговите три основни елементи, кои останаа непроменети:

  • Компактен управувач за подобро чувство при возење и оптимална контрола.
  • Подигнат екран кој му овозможува на возачот да ги прегледа сите информации поврзани со возењето, притоа не тргајќи го погледот од патот.
  • Голем централен екран на допир, лесно достапен и лесен за прегледување, кој му овозможува на возачот да ги контролира главните функции на автомобилот.

Приказната започна во 2010 година со претставувањето на концептниот автомобил PEUGEOT SR1 на саемот за автомобили во Женева – елегантен купе-кабриолет кој покажа дел од размислувањата на брендот. Ова вклучуваше револуционерна возачка позиција која ги сврте традиционалните кодови за дизајн и ергономија на нивната глава…

Во тоа време, тимовите на PEUGEOT бараа да го развијат возачкото седиште за да се добие повеќе емоции, поголема ергономија и поголема безбедност. Мал тим од дизајнери и инженери почна да работи: прилично брзо се појави предлогот за помал управувач. Дотогаш, во автомобил, воланот беше голем и информациите на дисплејот се читаа низ управувачот. Образложението зад ова беше дека ова конвенционално позиционирање на дисплејот и управувачот го одвлекува вниманието. Најдобрата положба за читање на информациите била на висина на погледот. Информациите требаше да бидат прикажани на ниво на погледот. Оваа нова позиција, во комбинација со помал управувач, создаде целосно нов систем, со дисплеј кој стана познат како „head-up дисплеј“. Додаден е екран на допир, што ги направи сите контроли многу поедноставни и додаде поврзување. Ова беше почеток на екраните на допир за PEUGEOT.

Поврзано:   Peugeot најавува интегриран ChatGPT во целата гама и 8-годишна гаранција за Е-3008

„Влогот беше голем за брендот, преземавме пресметан ризик со тоа што се обврзавме на таков иновативен и нов концепт. Пред сè, моравме да се погрижиме концептот да им се допадне на нашите клиенти. Организиравме тестови со француски и германски клиенти. Ги натеравме да возат автомобил со обичен управувач и контролна табла, потоа ги ставивме во прототипот со овој нов управувач и оваа нова покачена контролна табла. Повратните информации беа одлични, многу квалитетни. Младите ја ценеа спортската, додека постарите чувствуваа дека е агилно, дека е модерно и дека претставува промена од минатото. Сите едноставно го фатија малиот управувач. Бевме апсолутно убедени дека имаме нешто уникатно“ – гордо изјавува Jérôme Micheron, Продукт менаџер на Peugeot.

Првата генерација на PEUGEOT 208 предизвика воодушевување со воведувањето на i-Cockpit® како стандард и брзо се прифаќа како иновација која го трансформира искуството на возачот:

  • Повеќе задоволство при возење: благодарение на компактниот управувач, автомобилот е уште поагилен на движењата на возачот, кој исто така треба помалку да ги движи рацете за истиот маневар.
  • Поголема удобност при возењето: со инструмент табла во висина на погледот, има помало оптоварување на очите. Нискиот управувач овозможува позиционирање на рацете на возачот под поудобни агли, а централниот екран на допир овозможува интуитивно управување со главните функции на возилото.
  • Оптимизирана безбедност: компактниот управувач овозможува побрзи реакциите, покачениот дисплеј ги овозможува да останете фокусирани на патот, а предупредувањата на контролната табла се попрегледни. Сето ова го намалува заморот на возачот и затоа ја зголемува безбедноста.
  • Уникатниот дизајн: технолошки и префинет, го подобрува искуството при возење.
Поврзано:   Peugeot Sport доби специјално еко-признание од FIA

Од своето појавување, PEUGEOT i-Cockpit® продолжи да се развива и модернизира. Во 2016 година, втората генерација на PEUGEOT 3008 и PEUGEOT 5008 претстави верзија со 12,3-инчен дигитален дисплеј што може целосно да се приспособи и персонализира, додека прекинувачите се поставени под централниот екран на допир за да се олесни пристапот до основните функции. Во 2019 година, втората генерација на PEUGEOT 208 воведе 3D дигитална инструмент табла.

PEUGEOT i-Cockpit отиде чекор понапред кај новите PEUGEOT 308 (2021) и 408 (2022) со воведувањето на новиот инфозабавен систем i-Connect®, нов компактен управувач со можност да детектира присуство на рацете на возачот кога кориси помагала за возење и i-toggles чувствителни на допир со кои може да се конфигурираат клима уредот, телефонските контакти, радио станиците и поставките за стартување апликации… Сето тоа може да се постави по вкус и желба на корисникот!

PEUGEOT i-Cockpit® не престанува да се усовршува

„Приказната за PEUGEOT i-Cockpit® е сè уште во развој – тој мора секогаш да остане интуитивен, динамичен и иконичен: ова е една од нашите цели. PEUGEOT беше претходник на ова поле, затоа зависи од нас да продолжиме да го отвораме патот за се повеќе и повеќе иновации и инвентивност со цел секогаш да бидеме чекор понапред и да останеме на врвот. Станува збор за постојано обновување за да продолжиме да изненадуваме и да останеме на највисоко ниво. Ние знаеме едно нешто сигурно, i- Cockpit® има светла иднина!“ – Bertrand Rapatel, менаџер за внатрешен дизајн во PEUGEOT.

Концептот PEUGEOT INCEPTION, претставен на CES во Лас Вегас на почетокот на годината, ја прикажува на кој начин новиот PEUGEOT i-Cockpit® еволуира, уште поинтуитивно ја покажува идната еволуција на i-Cockpit со Hypersquare, револуционерна нова контрола на управувачот, која овозможува нови индикации за новата генерација, креирани на таблети и паметни уреди

Поврзано:   ПРЕМИЕРА: Peugeot го претстави новиот, голем E-5008!

 



Алфа и Омега на CARclub. Играчките остануваат, само стануваат поскапи.