Покрај престижната титула за Светски Автомобил на Годината, електричниот кросовер на Hyundai е прогласен и за Светски Електричен Автомобил на Годината и Светски Автомобилски Дизајн на Годината!
Електричниот кросовер на Hyundai се пласираше меѓу финалистите заедно со Kia EV6 и Ford Mustang Mach-E. Покрај севкупната титула за Светски Автомобил на Годината, електричниот Ioniq 5 постигна хет-трик со наградите за Светски Електричен Автомобил на Годината и Светски Автомобилски Дизајн на Годината за 2022. Признание доби и Luc Donckerwolke кој ја носи титулата Chief Creative Officer во рамките на Hyundai Motor Group – кој го освои признанието за Светска Автомобилска Личност на Годината за 2022. Признанието го доби за неговиот значителен придонес во развојот на нови модели, вклучувајќи го и Ioniq 5.
На светските автомобилски награди во своите категории победија и Mercedes-Benz EQS кој беше прогласен за Светски Луксузен Автомобил на Годината, Audi e-tron GT кој е прогласен за Спортски Автомобил на Годината, како и Toyota Yaris Cross кој ја освои титулата Светски Урбан Автомобил на Годината.
