Турбулентниот период е далеку од завршен, но цените на горивата се нормализираат – бензините поевтинуваат по еден денар, дизелот два денари.
Со најновата одлука на Регулаторната Комисија за Енергетика, цените на горивата се намалуваат во просек за 1.40%.
Цените на бензините се намалуваат по еден денар, па еден литар 95-октански ЕУРОСУПЕР-95 бензин ќе чини 80 денари, додека еден литар 98-октански ЕУРОСУПЕР-98 бензин ќе чини 82.00 денари.
Цената на дизелот се намалува за 2 денари, па еден литар ЕУРОДИЗЕЛ ќе чини 80 денари.
Секако, ова се далеку од најниските цени за горивата кои сме ги имале, но се значително пониски од пред неколку седмици кога бензинот чинеше 93 денари за литар а дизелот дури 97 денари за литар.
