Неколку модели на Audi – TT, TT S, TT RS, Q3 и RS Q3 – ќе можат да се нарачаат во нови, уникатни мат бои.
Со специјални доработки на погонот за фарбање во рамките на фабриката во Győr, Унгарија, достапни се нови бои за TT и Q8. Купувачите сега можат да го нарачаат спортското купе (или роудстер) во Daytona Gray, Florett Silver или Python Yellow (која е достапна само кај ТТ). Доколку сакате спортски кросовер во мат боја, можете да го нарачате Q3 (и Q3 Sportback) во Daytona Grey или Florett Silver, а ексклузивно ја добива и Dew Silver сребрената боја. Секако, истите бои се достапни и кај спортските TTS и TT RS, како и RS Q3.
Audi објаснува дека модерните мат бои се добиваат преку прилично комплексен процес – автомобилите добиваат фосфатен слој, специјална „бања“, па дури тогаш започнува фарбањето со филер, основен слој, боја и лак. Петте слоеви се дебели колку човечко влакно (околу 1/10 од милиметар). Заштитниот лак е во специјална, мат нијанса со силикатни честички кои ги дифузираат рефлексиите.
По завршување на процесот, автомобилите ќе поминат низ специјална процедура за проверка, за да биде гарантиран идеалниот мат финиш.
