Бразилската дивизија на Jeep ги објави првите фотографии од освежениот Renegade – кој би требало да пристигне на сите пазари каде се нуди најмалиот SUV на американскиот бренд.
Освежениот Renegade ќе добие редизајниран преден дел со подинамичен и поагресивен лик благодарение на редизајнирани светла и пониска предна маска на ладилникот. Забележуваме и редизајнирани браници, како и нови дизајни на тркалата. На задниот дел препознаваме редизајнирани светлосни групи и нов заштитен панел за задниот браник.
Слични освежувања можеме да очекуваме и во кабината – на видеото кое го објави Jeep Brazil забележуваме нов, редизајниран управувач кој е сличен на оној кај освежениот Compass, но и нови, целосно-дигитални инструменти. Сепак, останува да почекаме да видиме какви ќе бидат измените кои ќе ги претрпи европскиот Renegade.
Инаку, малиот (иако за волја на вистината, и не е толку мал) Jeep Renegade ни е еден од омилените SUV модели – неговиот дизајн го прави особено привлечен, а не смееме да ги занемариме ниту Jeep гените. Од неодамна во Македонија е достапен и Jeep Renegade 4xe кој добива моќен плаг-ин хибриден погон.
