Големиот супер-луксузен седан на Mercedes-Maybach веќе е изложен во салонот на Мак Аутостар.
Големиот супер-луксузен седан со ознаката S580 4Matic користи 4-литарски твин-турбо V8 кој испорачува 500 коњски сили и има лајт-хибриден систем кој испорачува дополнителни 20-тина коњи. Mercedes-Maybach S-Class има меѓуоскино растојание кое подолго за цели 18 сантиметри во однос на „обичната“ (и веќе огромна) S-Class.
Секако, новиот Mercedes-Maybach е базиран на новата S-Class, но со уште повеќе опрема, играчки и скапи детали. Надворешноста се издвојува преку големиот, хромиран елемент во предниот браник, како и огромните тркала.
Задните врати се отвораат на копче, а целиот автомобил е поставен на напредна воздушна суспензија со специјален Maybach режим кој наметнува уште поопуштено возење – во овој режим автомобилот тргнува во втора брзина, а суспензијата е уште помека и менувачот е уште посмирен. Maybach добива и систем за автономно возење од трето ниво, кој му дозволува на возачот да ги тргне рацете од управувачот во одредени ситуации.
Сепак, како и кај другите модели на Maybach, главната приказна е во ентериерот – и тоа на задните седишта. Секој примерок ќе добие екслузивни, супер-комфорни фотелји во кои ги има сите можни системи за уживање и комфор – дури и систем за масажа на мускулите на долниот дел од нозете.
Задните седишта добиваат и систем за „подавање“ на безбедносниот појас, како и надграден MBUX за патниците на задните седишта кој препознава команди со гестикулации на рацете. Сакате апсолутен мир? Нема проблем – супер-напредниот Burmester 4D аудио уред нуди напредна Noise Cancelling функционалност за сите несакани звуци да бидат елиминирани.
За мерак!
