full screen background image
Search

ИНТЕРВЈУ: Youhei Kubo, Toyo Европа – Нашата амбиција е во фабриката во Србија да ги надминеме нашите постоечки стандарди!

Неодамна имавме екслузивна можност да позборуваме со Youhei Kubo, кој е директор за продажба и стратешко планирање на Toyo Tires Europe. Со него зборувавме за новата фабрика која Toyo ќе ја отвори во соседна Србија, новите продукти и плановите за развој, како и соработката со Мотоцентар.

Новата фабрика за пневматици на Toyo во Србија е секако многу интересен нов развој. Филозофијата на Toyo – „Произведено во Јапонија“ – сигурно ќе се пресели на новата локација, но што ќе направи Toyo за да им обезбеди на клиентите и фановите можност да очекуваат ист квалитет од нејапонски производствен капацитет?

YK: Повеќе од една деценија „Toyo Tires“ гордо ги произведува и испорачува своите пневматици со марка „Toyo“ од своите фабрики надвор од Јапонија. Иако локациите се различни, вклучително и САД, Кина и Малезија, се воведуваат строги контроли на квалитетот за да се осигура дека и материјалите и производствените процеси се униформно подготвени и специфицирани од нашето главно седиште во Јапонија. Заедно со производствената експертиза развиена во нашите фабрики низ целиот свет, „Toyo Tires“, исто така, го отвори својот прв Европски центар за истражување и развој во Германија во 2019 година за да го поддржи развојот на пневматиците и технологиите специјално прилагодени за европските услови.

Од неговата инаугурација, центарот спроведе истражување што му овозможи повторно да ги развие материјалите на молекуларно ниво за да обезбеди подобрени својства кои ќе ги подобрат идните перформанси на пневматиците. Нашата нова фабрика во Србија е развиена со користење на нашето добро-воспоставено знаење и искуство во производството во комбинација со некои од најнапредните материјали и машини за производство на пневматици развиени во Европа.

Врз основа на овие цврсти темели, можеме со сигурност да ги увериме клиентите и потрошувачите дека квалитетот на пневматиците произведени во Србија, ќе биде барем толку висок како оние од другите наши фабрики. Со развојот на новите технологии со текот на времето, вклучително и искористување на моќта на интернетот за информирање, нашата амбиција е да ги надминеме постојните стандарди.

Споменавте дека во новата фабрика во Србија годишно ќе се произведуваат 5 милиони пневматици. Какви пневматици ќе се произведуваат таму?

YK: Фабриката ќе произведува широк спектар на пневматици за патнички автомобили и теренски возила во сите категории кои се продаваат низ Европа – летни, зимски, како и пневматици за сите сезони. Асортиманот произведен во Европа ќе се рафинира со текот на времето за да ги надополни пазарите на кои сме активни, што ќе ни овозможи да го прилагодиме производството за да одговара на нашиот комерцијален раст.

Toyo има многу силно признание кај љубителите на пневматици со високи перформанси наменети за тркачките патеки. Што треба да очекуваме во блиска иднина во однос на пневматици со високи перформанси за градски средини и/или за спортски патеки?

YK: Како што споменавме, Toyo Tires формираше центар за истражување и развој во Германија, кој ги поместува границите на потенцијалните перформанси, создавајќи материјали со високо специјализирани својства, кои не можеа да се произведат претходно. Сега, новата фабрика ќе биде отворена следната година, ќе ги користи токму овие, најновите технологии за производство.

Овие два ресурси не постоеја до неодамна и нивното основање во Европа испраќа јасна порака до пазарот дека Toyo Tires се подготвува за унапредување на својот бизнис со подобрувања во квалитетот и технологијата на производите, како и намалување на развојните циклуси. Иновациите создадени во Европа и тие што се тука изградени ќе направат еволуција кон подобрување на нашите производи за патишта, но и за тркачките патеки.

И, конечно – честитки за вашето ново партнерство со Мотоцентар. Во тој дух, какви квалитети очекува Toyo од нов дистрибутер и партнер како што е Мотоцентар?

YK: Многу сме почестени и возбудени да го пречекаме Мотоцентар во семејството на Toyo Tires. Ова е моја прва посета во Македонија, токму за да се сретнам со Мотоцентар и веднаш гледам дека тие имаат добро воспоставена професионална работа и силна визија за иднината. Уверен сум дека нашата врска ќе стане долгорочно партнерство и заедно ќе растеме на овој пазар во Македонија. Марија Стојановиќ, нашата претставничка во регионот, има цврсти односи и довербата што ја создаде со Мотоцентар за започнување на ова партнерство ќе доведе до иден успех.

Фотографија: Дејан Маликовски



Алфа и Омега на CARclub. Играчките остануваат, само стануваат поскапи.