На првата од двете трки во Имола во рамките на TCR Italy шампионатот, Иџе заврши на второто место и на подиумот го развиори македонското знаме!
Иџе заврши веднаш зад првопласираниот Чекон, а трката беше возбудлива бидејќи не се знаеше резултатот до самиот крај. На самиот крај, Иџе „доцнеше“ помалку од една секунда зад Чекон, а зад него заврши рускиот возач Леонов.
Ова не прв одличен резултат на Иџе во Имола – тој прв пат победи таму во 2016. За утре е закажана втората трка, а Иџе најавува дека ќе се обиде да дојде до шестиот подиумски пласман на една од неговите омилени патеки.
