Alfa Romeo Giulia и Stelvio се достапни во нова Business изведба со многу дополнителна опрема! – CARclub.mk | #1 за Автомобилите full screen background image
Search

Alfa Romeo Giulia и Stelvio се достапни во нова Business изведба со многу дополнителна опрема!

Од Alfa Romeo пристигна информација дека седанот Giulia и големиот SUV Stelvio се достапни со специјален Business пакет кој вклучува дополнителна опрема во вредност од 6300 Евра!

Business пакетот за Giulia и Stelvio вклучува 18, односно 19-инчни тркала, металик боја, електрохроматски странични ретровизори, седишта делумно обвиени во кожа, новиот Alfa Connect 3D Nav со 8.8-инчен дисплеј, DAB дигитално радио, како и системи за следење на мртвиот агол и следење на коловозната лента.

Секако, тоа е покрај веќе стандардната опрема која доаѓа со Giulia и Stelvio – а тука истакнуваме адаптивен темпомат, паркинг сезори, автоматски двозонски клима уред, автономно сопирање, безжичен полнач за мобилен телефон и многу повеќе.

Седанот Giulia се нуди со 2.2-литарски турбодизел со 160 коњски сили, автоматски менувач и погон на задните тркала, додека големиот Stelvio може да се добие со 2.2-литарски турбодизел со 190 коњски сили и погон на задните или на сите четири тркала.

За повеќе информации, посетете ја официјалната веб-страница, или пак продажниот салон на Alfa Romeo.

Извор: Alfa Romeo



Алфа и Омега на CARclub. Играчките остануваат, само стануваат поскапи.