Сакате да кампувате но немате доволно големо возило? Всушност, имате MINI? Тогаш токму MINI го има решението за вас!
Mini ги претстави новите кровни шатори за два неочекувани модели – плаг-ин хибридниот Mini Countryman All4 (нашиот тест тука) и електричниот Mini Cooper SE (нашиот тест тука). Шаторите не се огромни – но има доволно простор за двајца да можат да кампуваат во релативен комфор, без да мораат да влечат приколка или пак да монтираат надворешен шатор.
Шаторите се поставуваат на кровните носачи и лесно се отвораат. Механизмот е делумно автоматизиран, а влегувањето и излегувањето се прави преку скала. Во шаторите има место за двајца, а има и отвори за вентилација (кои се со вградени мрежи против комарци). Дополнително, од Mini напоменуваат дека Cooper SE е единствениот електричен автомобил во сегментот за кој може да се нарачаат кровни носачи.
Шаторите и сета потребна опрема може да се набави преку Mini Original Accessories програмата. Ајде да кампуваме!
