Регулаторната Комисија за Енергетика објави дека од вечерва на полноќ ќе се зголемат максималните малопродажни цени на горивата.
Во согласност со методологијата која се користи за пресметка на цените на горивата, од вечерва на полноќ малопродажните цени се зголемуваат во просек за 3.11%.
Цената на ЕУРОСУПЕР-98 се зголемува за еден денар, и еден литар 98-октански бензин ќе чини 61.50 денари.
Цените на ЕУРОСУПЕР-95 и ЕУРОДИЗЕЛ горивата се зголемуваат за по 1.5 денари. Еден литар 95-октански бензин ќе чини 60.00 денари, додека еден литар дизел ќе чини 51.00 денари за литар.
Новите цени стапуват на сила вечерва на полноќ.
