Јапонскиот производител на луксузни возила одлучи да го прослави „мајсторлукот“ на јапонските уметици со првиот тетовиран автомобил на светот.
Уметникот кој стои зад овој уникатен Lexus UX е лондонската тату-артистка Claudia De Sabe, а нејзино „платно“ беше целосно бел примерок на луксузниот компактен SUV.
Сепак, наместо со игла за тетовирање, таа користеше алатка за фина обработка на метал и направи дизајн на кој можеме да ги видиме препознатливите јапонски Кои риби (кои се всушност вид на крап). Кои рибите се препознатлив елемент од јапонската уметност и се симбол за добра среќа и истрајност.
За изработка на „тетовираниот“ Lexus UX биле потребни шест месеци, а Клаудиа го користела алатот за да ја отстрани бојата на автомобилот и потоа рачно да нанесе пет литри висококвалитетна боја за да ги истакне деталите. На крајот, рачно нанела детали од злато кои дополнително ги истакнуваат светлите елементи и на дизајнот му даваат подлабок, тродимензионален ефект.
„Кога тетовирате човек, морате да мислите на мускулите и ткивото под кожата. Со автомобилот, морав да размислувам на начинот на кој каросеријата менува форма над основата“ – изјави Клаудиа. На Клаудиа и помагаше нејзиниот сопруг, кој е роден во Јапонија – Јутаро. Клаудиа додаде дека „најдобрата работа околу тетовирањето на Lexus UX е неговата форма – линиите на страните, формата на прозорците – сè е толку динамично и убаво. Lexus UX беше одлично погоден како за дизајнот, така и за концептот.“
Ние минатата година го возевме Lexus UX – прочитајте го нашиот тест тука.
