Hyundai планира да произведе само 600 примероци од овој хардкор хот хеч.
Во суштина, i30 N Concept C е одговорот на Hyundai кон хардкор верзиите на конкурентските хот хеч автомобили. Планот на Hyundai е да го олесни i30 N преку користење на Carbon Fiber Reinforced Plastic (CFRP) материјали, а во равенката да додаде и олеснети, 19-инчни тркала, како и уште неколку модификации. Од Hyundai не кажуваат точно колку е „ослабен“ i30 N (кој во стандардна изведба тежи 1429 килограми и е меѓу „подебелките“ во сегментот), но кажуваат дека ќе биде „забележително полесен“.
Сето тоа би требало да значи подобрено време до 100 километри на час (сега се постигнуваат за 6.1 секунда), но можеби и повисока максимална брзина. Од Hyundai кажуваат дека е поработено и на аеродинамиката, како и на упраувањето – а тоа би резултирало со уште повеќе забава зад управувачот.
