full screen background image
Search

Запознајте го последниот Smart со мотор со внатрешно согорување

Smart сака да биде „првиот производител кој бескомпромисно го префрли своето цело портфолио од мотори со внатрешно согорување на електричен погон.“

Како што веќе најавивме, Smart ги напушта американскиот и канадскиот пазар поради многу ниски продажби, и покрај бенефитите кои еден Smart автомобил ги нуди во поглед на намалување на премијата за авто-осигурување. Имено, доколку поседувате Smart и го пријавите како прво возило, премијата за авто-осигурување на останатите автомобили кои ги поседувате значително опаѓа. Очигледно, ова е факт за кој знаат многу мал број од американските авто-колекционери, па затоа и продажбата на Smart во изминатите години не надмина 1300 примероци годишно.

Сепак, приказната за Smart во Европа е поинаква – и ветува дека ќе биде револуционерна. Со цел да го одбележи крајот на една релативно успешна ера, но почеток на друга, Smart ќе произведе 21 For-Two модели со мотор со внатрешно согорување како последен поздрав кон фосилните горива. Бројката 21 има повеќе значења за главниот дизајнер на оваа посебна едиција: прославување на 21 година од постоењето на Smart, како и кои карактеристики најчесто ги поседуваат младите кои тукушто го прославиле својот 21-ви роденден – рушење граници, бунтовност, слобода.

Овие епитети се јасно видливи во дизајнот на последниот Smart преку храбрата двотонска комбинација која продолжува и во внатрешноста, но најинтересен момент се бандажите, од кои добивате два во црна и два во жолта боја. Се согласуваме дека тоа е храброст во дизајнот, нели?

Од Smart не ни пренесуваат можни цени за оваа изведба, но очекуваме да има повеќе детали околу цени и финалната опременост неколку недели пред почетокот на производството во Aвгуст.

Поврзано:   Mercedes-Benz ја прекинува продажбата на Smart во САД и Канада


Алфа и Омега на CARclub. Играчките остануваат, само стануваат поскапи.