Доколку имате да одвоите 116.000, односно 139.500 Евра, можете да имате еден од ексклузивните Final Edition примероци на Chevrolet Corvette во Европа.
Европските купувачи наскоро ќе се збогуваат со тековната генерација на Corvette, и тоа со специјална Final Edition изведба на Z06 и Grand Sport. Специјалните верзии се достапни во Sebring Orange Tintcoat портокалова и Ceramix Matrix Gray сива металик боја, со карбонски преден сплитер, странични прагови и црни тркала обвиени во супер-спортски Michelin Pilot Sport Cup 2 пневматици. Дополнително, ќе добијат и Brembo сопирачки, како и Final Edition стикери.
Кабината добива Competition спортски седишта, црна Nappa кожа, карбонски детали и рекордер на податоците, за да можете „на раат“ да ги анализирате податоците од вашето возење. Во зависност од изведбата ќе можете да одберете 7-брзински мануелен или 8-брзински автоматски менувач.
Доколку сакате да нарачате, Corvette Grand Sport Final Edition во Германија ќе чини од 116.500 Евра, додека Z06 Final Edition на истиот пазар ќе чини од 139.500 Евра.
