full screen background image
Search

Сите возила на Peugeot ги исполнуваат WLTP стандардите

Францускиот производител објави дека сите возила кои се дел од неговата гама се целосно сертифицирани во согласност со новите WLTP стандарди за емисија на штетни гасови и потрошувачка.

Новиот WLTP (Worldwide Harmonized Light Vehicle Test Procedure) протокол станува задолжителен од 1ви Септември оваа година, и тоа за сите патнички возила кои се продаваат во Европската Унија. Францускиот производител Peugeot со гордост објави дека сите патнички возила кои ги произведува и продава се во целосна согласност со WLTP процедурата за тестирање.

Благодарение на технологиите кои се дел од PureTech и BlueHDi моторите кои се лансирани уште во Септември минатата година, возилата на Peugeot веќе ги исполнуваат стандардите за емисија на NOx, CO2 и ситни честички. Францускиот производител одлучи предвремено да инвестира во најефикасните можни технологии за контрола на емисија на штетни гасови. Меѓу другото, уште во 2013-тата година воведоа Selective Catalytic Reduction (SCR) системи на BlueHDI моторите, како и филтри за ситни честички на PureTech моторите со директно вбризгување.

WLTP тестирањето (за кое веќе пишувавме) е многу пореално од застарениот NEDC систем кој се користеше за мерење на потрошувачката. Циклусот на возење кој го користи WLTP е значително поблиску до реалното возење во контекст на дистанца, просечна брзина, време во кое автомобилот е во мирување, како и температурата на автомобилот. Овие тестирања резултираат со значително пореални бројки за потрошувачката и се поблиску до вистинското користење на автомобилите. Она што е интересно е дека резултатите од лабораториски тестирања на CO2, NOx и ситни честички се потврдуваат во реални услови на вистински патишта.



Алфа и Омега на CARclub. Играчките остануваат, само стануваат поскапи.