full screen background image
Search

Aston Martin направи налудничав V8 Cygnet со 430 коњски сили за клиент со длабоки џебови!

Малиот Aston Martin Cygnet не беше ништо друго освен Toyota IQ во пофенси костум – но што добивате кога клиент со доволно длабоки џебови ќе нарача верзија со V8 и погон на задните тркала?

Секогаш подготвени за предизвик, инженерите од Aston Martin се фатија за работа – па малиот, 1.3-литарски четири-цилиндерски бензинец е изваден, а на негово место е набиен 4.7-литарски V8 од Aston Martin Vantage S. Дополнително, од Vantage е преземен ид Speedshift II автоматскиот менувач, а силата се пренесува кон задните тркала.

Трансформацијата е прилично сериозна – од оригиналните 97 коњски сили, сега малиот Cygnet има дури 430 коњски сили, но зголемена е и тежината – и тоа од 1000 на 1375 килограми. Во ред, додаени се и нови сопирачки, шасијата е целосно модифицирана, а тежината е идеално распределена во однос 50:50. Перформанси? Спринтот до 100 километри на час трае 4.2 секунди, а максималната брзина е 274 километри на час.

Како сето тоа звучи и изгледа? Погледнете.



Алфа и Омега на CARclub. Играчките остануваат, само стануваат поскапи.