Во средата вечер овогодинешниот носител на титулата Автомобил на Годината официјално ја презема титулата.
По 23-пат Македонија го доби автомобилот на годината. Вчеравечер за време нас вечената манифестација во винаријата Камник на која присуствуваа бројни гости,
пријатели на импортерот и љубители на автомобилите официјално беше доделена блескавата статуетка на брендот DACIA за најновиот модел на DUSTER.
Претседателот на стручното жири по своето обраќање и образложување на одлуката во име на жирито – г-динот Горан Антевски му го предаде признанието на г-динот Жељко
Барбарич – менаџер за продажба на групацијата Renault за регионот Адриатик.
„ Националното Жири се раководеше од шесте критериуми: адекватност и по нудана домашниот пазар, економичност и еколошка прифатливост, безбедност и примена на технолошки достигнувања, возни својства, дизајн и комфор и опременост. Секогаш е тешко да се одбере најдобриот во сегментот на пазарот што постојано расте, но моделот Dacia Duster не е само уште едно СУВ возило. Тоа е автомобил што сигурно ќе ги задоволи личните, семејните па дури и бизнис потребите. Dacia Duster се издвои според критериуми што се особено важни за македонскиот пазар, како што се адекватност и понуда на домашниот пазар, каде Dacia Duster ја направи решавачката предност.” – изјави г-динот Горан Антевски.
Посебно признание за Владимир Воиновски од Еуроимпекс
За време на свечената манифестација за прв пат беше доделено и признанието „Томислав Билјарац“. Признанието го носи името на основачот на македонското автомобилско новинарство и основачот на Изборот за Автомобил на Годината во Македонија, а се доделува за посебни придонеси и резултати во автомобилската индустрија.
Првиот добитник на ова признание е господинот Владимир Воиновски од Еуроимпекс. Господинот Воиновски се заблагодари за укажаната чест и долгогодишната соработка. Најавено е дека ова признание ќе продолжи да се доделува и во иднина.
