Повеќе од 600 крстосници во Вашингтон сега можат да комуницираат со возилата на Audi благодарение новите технологии кои го користат Vehicle-To-Infrastructure системот на германскиот производител.
Технологијата ја поддржува „time-to-green“ односно „време-до-зелено“ функционалноста на Traffic Light Information системот на Audi. Овој систем е достапен на некои модели од моделските 2017 и 2018, и е прв чекор кон поголемо поврзување на автомобилите со околната инфраструктура.
„Оваа иницијатива ја претставува иновативноста која е од критично значење за подобрување на безбедноста во собраќајот и постигнување на целите на Vision Zero“ – изјави градоначалникот на Вашингтон, Muriel Bowster – „Ќе продолжиме да го градиме ова, но и слични партнерства, како што продолжуваме да градиме побезбеден, посилен и попаметен град.“
Според Audi, оваа технологија ќе го намали стресот, но истовремено кажува дека Vehicle-To-Infrastructure (V2I) технологиите се значајни во индустријата. Време-До-Зелено функционира така што во реално време добива информации од системот за управување со сообраќајот преку вградената 4G LTE конекција во самиот автомобил. Кога семафорот е црвен, системот ќе му каже на возачот уште колку треба да чека до зелено светло.
Иако ова изгледа прилично едноставно, целта на V2I технологиите е да овозможи подлабока соработка на системот за контрола на сообраќајот со останатите системи во автомобилот – како што е старт-стоп системот, ситемот за навигација, итн.
