Audi во соработка со „матичниот“ тјунер ABT претстави мега-изведба на веќе мега-караванот RS6, кој во зависност од вашите желби може да има до 705 коњски сили!
RS6 Performance Nogaro Edition го носи своето име по првиот RS модел во историјата – Audi RS2 од далечната 1994-та година. Ја носат истата сина боја, а RS6 Performance Nogaro носи и „црн пакет“ кој ги заменува хромираните детали со црни, титаниумски издувен систем, 21-инчни тркала, и уште многу други ситници.
![](https://www.carclub.mk/wp-content/uploads/2018/02/audi-rs6-avant-nogaro-interior.jpg)
Audi RS 6 Avant performance Nogaro Edition mit Optikpaket
Сепак, најважното е под поклопецот – каде во „стандардната“ верзија ќе добиете 605 коњски сили и 750 Nm вртежен момент, благодарение на кои ќе забрзате до 100 километри на час за 3.7 секунди и ќе постигнете максимални 305 километри на час. Одберете ја верзијата на која работеле инженерите од ABT Sportsline и ќе добиете моќни 705 коњски сили и 880 Nm вртежен момент, благодарение на кои ќе постигнете дури 320 километри на час.
![](https://www.carclub.mk/wp-content/uploads/2018/02/audi-rs6-avant-nogaro-rear.jpg)
Audi RS 6 Avant performance Nogaro Edition
Ќе бидат произведени само 150 примероци од врвниот RS6 Avant, а во Германија ќе чинат од 124.200 евра.