Mercedes-Benz S-Class достапен во дури 24 варијанти! – CARclub.mk | #1 за Автомобилите full screen background image
Search

Mercedes-Benz S-Class достапен во дури 24 варијанти!

Знаменосецот на Mercedes-Benz – големиот, луксузен S-Class може да се добие во дури 24 различни изведби!


Со неодамнешното освежување на S-Class значително порасна гамата на верзии кои го носат името S-Class – а дури три од тие верзии носат голем V12 бензинец.

Големиот седан можете да го добиете со бензински или дизел мотор, со нормално или продолжено меѓуоскино растојание, и со погон на задните или на сите четири тркала. Некои модели дури припаѓаат и на AMG и Maybach под-брендовите, па се викаат Mercedes-AMG или Mercedes-Maybach.

Во понудата ќе ги најдете S350d и S400d турбо-дизелите, S560 бензинецот, S63 AMG како и мега-луксузниот S560 Maybach, а од неодамна во понудата се и шест-цилиндерските S450 и S500 бензинци. Секако, тука се и моделите опремени со мотори со дванаесет цилиндри – новиот S600, моќниот AMG S65 и новиот S650 Maybach (кој како и другите V12 модели со продолжено меѓуоскино растојание е со погон на задните тркала, но овој модел е со уште подолго меѓуоскино растојание).

Цените на големиот S-Class варираат значително – па во Германија тие започнуваат од 85.000 евра, а најскапиот Maybach S650 започнува од над 200.000 евра! Сите овие комбинации значат дека големиот знаменосец на Daimler може да се добие во точно 24 различни изведби – а тоа е пред воопшто да ги земеме во предвид S-Class Coupe и S-Class Cabriolet!



Алфа и Омега на CARclub. Играчките остануваат, само стануваат поскапи.